收到禮物 ^.^

2007年12月24日 星期一 天晴
今係日平安夜，返到公司就收禮物。

2007年12月16日 星期日 晴天`
尋日收工跟咗D細魔鬼去行街，話就話陪域奇買衫，但係佢就一件都買唔到，反而我就滿載而歸(四件咁多)，雖然有兩件要瘦身先着得，但另外兩件都OK嘅，唉買嘅時候都估到嗰件會細咗小小，着就着得得落但唔係咁好睇囉，亞MO 陪我一齊減啦，我又要左右護法照住。

又換血啦~~~~~~

2007年11月13日 星期二 晴天 清涼
一年一度換血日子又到啦，每年呢個時候公司總會換吓血，
上一年換咗呢個部門，今年又中啦，又係佢哋個部門，
公司生意唔好除在出品問題，重有其他因素嘅，係咪換咗人就會好呢~~~~~

心頭好

每個人都有心頭好，到而家我都係只能夠有一個，
今日要幫個朋友買，又令我心思思想買多個，好左，
我鍾意嗰個款斷咗貨，所以可以保住個荷包啫。

經濟好，是否有得加人工呢?

有同事問到今年會否加人工，出雙糧，同埋改5天半工作喎，
以我所知 ，經濟再好都冇份架啦，唔使諗，只有兩個選擇，去或留。
目前D人工都 OK 啦，成萬蚊，朝九晚五，又有紅色假期放，算係咁啦，
比上不足，比下有餘。
再唔係學D居士話事計，響出年正東位放杯水，同東北位放四支富貴竹，都有望加人工架。

内有惡犬 *** >~< ***

2007年8月19日 星期日 晴天

`小心` `小心` 今日惡犬又發難，

事關佢又破壞咗我副新眼鏡，

入内參觀人士請小心保管閣下之財物。

8號風球

2007年8月10日 8號風球的日子
在一個沒有公眾假期的月份，增添了一個偷閒的下午，
8號風球將要懸掛時，趕緊回家的人是否真的須要第一時間回家???
慶幸尋日個風未有做成甚麼傷亡，
但卻令到我哋交通大亂，
路程遠的同事早一點走，路程近的同事都要早一點走，
當各同事陸續離開後，我及MO MO、SA SA、葵葵殿後，
當時 A同事枱面電話又再響起(因為先前有分店嘅同打過嚟問野)，
我順手接聽，對話如下
對方一開口說：(重未走)
我以為係分店D同事再打上嚟，便回答：(未呀)
對方語氣有點不悅說：(點解重唔走，知唔知而家8號風球)
我聽出應該係同事D屋企人打嚟於是便答：(我知到，你要搵嘅人已經走咗喇。)
聽到對方停一停，然後"哦咗一聲"，再冇出聲就收線。
我覺得對方聽到(未走)兩個字時嘅反應，係出於責怪多過關心同事安全囉。

第六感

2007年8月9日 雨天
第六感呢家野真係好奇怪的，
唔知幾時開始又有D唔好嘅感覺，
我感覺到人在變，
我感覺到歷史要重演一次，
我感覺到一種難受嘅氣氛圍住我，
我有小小失措，現在尚可控制得住，
我~~~唔怕失去........
我~~~只唔想改變。.

飯店

2007年 8月6日 又雨又晴
尋日放假本來唔使返工，但又唔想睏覺睏到12點幾咁晏，於是響10點鐘就咗公司做野，哇幾勤力呀，其實冇節目就真，講真又唔係冇節目喎，止不過D節目響晒下午啫，做到2點鐘收工返屋企同蝦子餅食午餐，咁啱屋企樓下新開咗一間海南雞專賣店，見到咁就試吓先，我哋叫咗半隻雞同一碗油飯，兩個一齊食，D海南雞味道幾好呀，飯都OK，埋單盛惠61元，價錢都幾.........
基本上我哋都唔睇好間專賣店，事關見佢哋獨估一味買雞，但D套餐又唔包飲品喎，學劉華話事解，今時今日D咁嘅服務態度點得架，唉!

迷茫

2007年8月2日 晴天
由於計糧關係，已經做到唔知時候嘅我，
而家有D迷茫添，响今朝返到嚟公司，
已經有D唔知想做邊樣嘢先好，又想做這，
又想做那，點算好呀？？？
我係應該好多野做先啱架，做邊様先好呢？
入數先，報工傷先，還是……
諗諗吓老闆同老闆娘都返咗嚟添，
佢哋返嚟又要做野啦事關要幫老闆娘搵貨價做比較。
唉，終於挨到午飯時間啦，出去食飯同抖抖先。

與 CO CO在一齊渡過的第124天

2007年7月21日 晴天

同CO CO 一齊渡過的第124天，

每日起身佢都响床邊，等我哋喂佢食嘢，

今日都唔例外，依然响床邊咁等，

好，見你咁乖就比早餐你食喇，

奇怪每次食完嘢都要去便便架，

點解今朝未去嘅，而且重返咗個竇到，

我又要反工冇乜時間等喎，叫佢出嚟又唔出有問題

正想閂房門時，發現張床上面有新鮮熱辣嘅。。。。

有冇攪錯.....捉佢狂丙跟住收監（入籠）連我出門都唔,敢出聲。

好險

2007年7月7日 晴天
已經個多星期喇，有鯊魚出現，雖然係鯊魚BB，但係响夏天出現都好掃興嗎，諗反起上兩星期先去西貢遊船河，地點都好接近鯊魚出沒泳灘海下灣，而家覺得好驚險呀!當時我都覺得會有鯊魚o架，好彩無比鯊魚鍚啖 ja。

游船河

2007年6月25日 星期一 晴
今日冇帶個魂魄返工，可能尋日反得太癲啦，晒得太勁，而家周身冇力， 諗諗吓都有成廿年冇游海水啦，覺得D海水比以前咸咗好多， 一落海已經好驚，唔感游太遠，唔係因為响海中心水太深嘅原故， 而係之前聽到西貢有鯊魚出沒，D水又混濁咗咁多，見唔到水入面D有乜， 游游吓唔知會唔會有一條鯊魚响左近呢陪我游架，所以可驚囉， 需然係咁都有落水暢泳。
話就話嗰到係西貢叫大清水，但係真係變咗好多，水唔再清啦，記得廿年前去西貢燒嘢食游船河， 隻船去到附近靠岸時，D水仍然好清重見到個海底同D魚魚架， 當時一馬當先咁跳咗落水，同行D同事叫都叫我唔切要小心D呀好深水架，呢到果然好深水架，需然識游水好耐，但係都協一協， 因為插咗好耐水都未到底，可想當時D水有幾清啦， 而家~唉!不過都算好啦能見度有1米左右，比起其他泳灘嚟講算好囉， 地球村D人，請愛護環境，唔係再過多廿年唔使游海水啦。

完成第三支針

2007年6月14日 下雨天
終於幫CO CO打埋第三支疫苗，再過多一個月左右就可打瘋狗針同植晶片咁出街就唔怕比差人拉啦，今日比我發現佢開始換牙喇，一隻一隻咁換超過癮。

時間過得好快~~晴

2007年06月02日 星期六 晴

我已經養咗 CO CO 46日 佢係女仔嚟架

教緊佢點用個新廁所，10號可以打埋第3支免疫針，

攞埋狗牌咁就可以名正言順出街街，唔使驚比差人拉 哈哈。

合桃蛋糕

今日本想整一個合桃蛋糕，已經將合桃放咗落個焗爐到焗，點知電話响叫去飲茶咁就忘記咗，返到屋企燶晒，咁就轉整牛油蛋糕啦。

等待新生命的來臨

我啡啡走咗差不多兩個月喇，呢段日子都非常寂寞好唔慣，每每走過寵物店都注足停步望住D狗仔，經常比D可愛狗仔給吸引住，好想好想買隻回家，但係心諗我又驚唔知可否照顧一隻BB狗呢，終於有朋友問我要唔要史納莎因為有一竇就嚟出世啦，要就比一隻我，我諗都唔諗一口答話要要要，祈待小狗狗來臨。

星期六怪事繼續

繼續啦......
打到11點左右，個個睡眼惺忪之際亞毛對手更不受控撞跌D麻雀，跟住執返再打多一舖就走啦，我哋開始清場執麻雀，當排好麻雀入盒後以為剛剛好，點知發覺地上竟然有一隻麻雀响到，咁就諗住擺返好佢喇，咦 咦 咦 點解重爭一隻嘅，於是認真咁尋找咗半個鐘任何一角落都找過都無發現，我哋開始有D驚，用最快速度離開，乘車回家。連平時行路嘅葵葵都一齊搭車你哋話啦當時係未好驚呢，無啦啦唔見咗隻麻雀喎....................

難得的星期六

今日下晝亞毛已經問我夜D得閑嗎，心想老公返咗鄉下打波，奶奶又話去飲，本來打算返亞媽到睇兩個姨娚生，不過見亞毛喱牌心情唔多靚，又出聲叫到好啦就應承佢啦，陪吓佢玩吓喇，於是就留响公司玩啦，我、毛毛、葵葵、VV、同SALALA 五個人玩，玩咩，原本亞SA 帶咗副好細隻嘅馬吊即係麻雀反嚟咁我哋就開戰啦，亞SA因為唔識打，於是亞毛用咗45分鐘解釋如何如何打，當佢哋明明地嘅時就開始打啦，一路打到外賣到為止，都成9時9 o架，食完再打，但怪事就發生咗.....................................(待續)......................................

豐衣足食 星期六

今日節目豐富喇，首先全體同事午餐出去飲茶，早上新春團拜呀，
到咗黃昏收工節目更豐富囉，雀局耍樂吾咗講，拾吓拾吓更開心，哈哈
姊妹睇嚟褲頭裙頭要加碼囉。
如果今晚有埋讚助商就真o係豐衣足食慶元宵^~^ .......

元朗一日遊

尋日帶咗兩個小妹妹遊元朗，(其實外勤咋)
首先由公司出發，搭車落元朗，
到處目的地時緊係要飲茶先喇，點知間酒家爆棚喎發達喇，
可以偷懶行陣街先，落到樓下見到間寵物店面就放咗一竇貴婦狗BB，
成7、8隻，隻隻都非常可愛活潑，再望入去竟然有大笨狗BB，吓得意到呀，
間隔嗰間就有松鼠狗，西施，約瑟，望到唔捨得走，
跟住帶佢o地去郵局寄掛號信，要經過舊區，亞MO已經問我想帶佢去邊呀，
哈哈，你話呢>.<........
亞MO話聽人講呢到應該有好多"各" "各"係到喎，佢哋又見到D伯父週圍望獵物，死囉，
有D被姦感覺，都係快D走喇，重叫我唔好賣佢豬仔喎，又叫Vicky認住D路呀，
唔係實比ling姐賣豬仔呀。。。。。。。。。。。。。。。。。。。。

出動喇!!!

精靈BB出動喇，星期一系時候出動，左睇右睇，睇睇有冇第一手發現先，有喇比佢發現到，第一時間影印份匯報先，然後行到我身邊再苗苗有冇其他嘢，今日無乜料到，施施然行開，又再出動去向第二個方位進發，見佢立晒亞儀D貨單系咁對系咁對，猛話D貨好貴，早就知喇，交得貨比我哋公司D貨點會貴喎，人哋唔使食咩，傻嘅。

搬新屋

被無良業主迫遷，只好搬新屋喇。

搬新屋

被無良業主迫遷，只好搬新屋喇。