可憐天下狗媽心!!!

2008年1月20日 星期一 晴天
今日又要帶CO CO 睇醫生啦，事原尋日同CO CO剪定個新妝過新年，都唔知係沖涼時整傷隻眼，還是個新妝冇咗兩旁眉呢，比D不明物體入眼，响我哋食晚飯時開始發覺CO CO唔妥，成日合埋眼訓覺，同平時為食扎扎跳嘅佢明顯唔同，初時重估佢响狗店嗰時緊張過渡所以好攰返嚟就想訓覺，但到左九點幾十點時，我哋見佢好用力咁閉咗隻眼，我想睇吓佢隻眼佢就更加用力閉實唔比我掂，我又冇眼藥水响到都唔知點算，於是打返比狗舖個人問吓了解沖涼情況及用D乜嘢梘液，狗舖個人教我用眼藥水清潔隻眼重專程送咗支眼藥水過嚟比我用住先，攪咗一輪CO CO 好乖咁訓咗，到今朝五點再檢查佢隻眼冇乜好轉，依然好多分泌物流出，再一次清潔滴眼藥水，而家BOOK咗時間等睇醫生。